الأربعاء، أبريل 04، 2007

ازدواج


كثيرا ما اشعر اني مريضه نفسيا واحتاج لعلاج نفسي ولكن كلنا مرضي نفسين ولكن بدرجات متفاوته وتحت ظروف معينه ولكن لابد ان يعرف كلا منا الي اي مدي هو مريض وايا من انواع المرض هو مصاب فقررت ان اعرف بأي نوع انا مصابه فأكتشفت اني مصابه بأزدواج الشخصيه نعم ازدواج فبداخلي اثنان احدهما يظهر في الكليه والأخري في باقي الاماكن اشعر بأني عندما اتخطي سور الكليه والقي السلام علي الحرس بأني لبست القناع وبدأت في تمثيل رشا داخل الكليه بكل العلاقات والتعاملات بالداخل .....ولاحظت ايضا اني احب ان اسرع الي الخروج بعد انتهاء المحاضرات لاستعيد رشا الأخري التي تركتها خارج الاسوار من الممكن ان يكون كثير من المبالغه ولكن هذه هي الحقيقه كم تمنيت ان احقق نفسي في هذه الكليه ولكن الظروف لم تسمح لي بذالك ولكن هناك ثمه امر لاحظته مؤخرا ان هناك شخصيات معينه استعيد بها رشا التي تركتها خارج اسوار الكليه ولا اعرف لماذا واكتشفت ايضا اني عندما اجلس معهم(بنتين من قسم جرافيك) لا اسرع للخروج من الكليه وافضل الجلوس فيها وكأن المكان يتحول الي مكان اخر ولكن هل سوف تنتهي هذه الازدواجيه بمجرد التخرج ام سوف تكرر في مجال العمل ؟؟ وهل اذا تلاقيت مع احد افراد الكليه داخل نطاق العمل ماذا سيكون الحال ؟؟ ام ان هذا الازدواج عائد الي عدم التحقق داخل اسوار الكليه ؟؟ هناك العديد من التساؤلات بدون اجوبتها ولكن اتمني ان ينتهي هذا الشعور لانه شيء مش لطيف ان تشعر انك علي غير طبيعتك في مكان قضيت به الكثير والكثير من الايام واللمضحك في الامر ان اصدقائي او الذين يفترضوا ان يكونوا اصدقائي هم بالواقع لم يعرفونني بعد ولكن تري هل سيعرفونني قبل ام بعد التخرج !!!!!!!؟؟؟؟؟؟؟.......ة

هناك 15 تعليقًا:

مـحـمـد مـفـيـد يقول...

مرات ابني العزيزه
:))
ازدواجيه من اولها لاء انا اخاف علي عبد الله

بصي يا رشا الانسان احيانا يعيش ايام ولا يدري ما متعتها الابعد ان يفقدها
هذه هي حياه الجامعه وبعد التخرج ستجدي حياه مختلفه نهائيا ولكنها ستزداد عليكي غموضا فلابد من التحرر من قيد الازدواجيه هذه وما هو الا هاجس تعيشين فيه

radwa osama يقول...

ده ذكاء اجتماعى بمعنى انك تجيد التعامل مع فئات اجتماعيه مختلفه ..وليس بطريقه واحده اعامل صديقى وحبيبى وزميلى وامى واختى ..فهناك مساحات من العلاقات الاجتماعية تستوجب ذلك ..ما تخافيش مش ازدواجيه خالص ..لازم نتعلم ازاى نستمتع ..مش طول الوقت كان نفسك تعملى علاقات حميمية فى الكلية انبسطى بقى

غير معرف يقول...

السلام عليكم صدقينى يارشا فتره الجامعه دى جميله جدا جدا مش هتحسى بجمالها غير لما تتخرجى باذن الله وتقعدى تفتكرىكل علاقاتك داخلها وان ازاى فى ايام جميله اوى قضيتها بداخل الكليه وخصوصا بعد ماتشتغلى وتنتقلى لمرحله انضج واكبر ولكن يارشا حاولى تنسى الازدواجيه اللى بتقولى عليهادى وعيشى الفتره دى بكل مافيها وكمان صدقينى اى مكان بيبقه حلو بالزكريات الجميله والعلاقات الحميميه بين الاشخاص وربنا يوفقك يارب
ام عهد

عازفة الكمان يقول...

طبعا عندكم حق بس انا مقدرش انكر اني عشت ايام كتير حلوه في الكليه وعارفه اني هفتقد الايام دي لما اتخرج والله لسه كنت بقول لأصحابي هنفتقد ايام المشاريع والسهر في الكليه بس ده ما يمنعش وجود بعض الازدواجيه مع بعض الناس

الســـاحر يقول...

على فكره انا ساعات بعيش فى الحاله دى وانتى اثرتى النقطه دى بطريقه جميله
وفى النهايه سلامى وربنا يوفقك
والله بجد موضوعك فكلاته اكتر من رائعه

مجـلة جــوا نـا يقول...

كلنا بنمر بالاحساس ده
حتى في بداية ونهاية كل مرحلة تعليمية أو شغل أو بيت جديد
بس الأجمل نفضل زي ماحنا
تحياتنا

أخف دم يقول...

ازيك يا رشا
الشعور ده موجود طبعا وده راجع لأن كل واحد فينا حاسس انه مش قادر يحقق ذاته أو طموحه فى الكلية اللى دخلها بسبب المجموع ليس أكتر وانك قاعدة مع ناس ممكن يكون فيه اختلاف كبير بينك وبينهم فى الفكر والثقافة والنظرة للحياة ..
كل اللى ممكن تعمليه ان يكون لكل مقام مقال بس من غير تغيير مواقف ومبادئ .. وبعدين أنا شايف انك هتلاقى أكيد ناس زيك فى الكلية ودول بس اللى انتى هتبقى سعيدة لو فضلوا معاكى بعد الكلية

Nouran يقول...

ليه يا بنتي كده كنت هتخليني اعيط لا بس انت رشا كويسة يعني ليه بتخلي فيه رشا تانية ؟ ولا ده شئ من تلقاء نفسك بس ع فكرة كلنا كده يعني مش هعامل كل الناس بنفس المعاملة فيه ناس هعاملهم ع اني نوران وناس ع اني نوران السخيفة وانا مش شايفاه انه ازدواج او نفاق ديه هي طبيعة الحياة اصلا :)

عازفة الكمان يقول...

و الله الموضوع مش كبير عندي بس هو انا حبيت اكتب عنه علشان احاول اتخلص منه او اتعامل معاه علي انه شييء عادي وناس كتير بتعمله مش انا بس

karakib يقول...

أقنعة ... الزمن المجتمع و غيرهم حاجات كتير بتفرض علينا نلبسهم علشان نقدر نتعامل معاهم ... و احلي وقت ممكن نقضيه هو الوقت اللي بنخلع فيه كل اقنعتنا و نقعد بهدوء نتعامل علي حقيقتنا
و الناس اللي بتقبلنا بدون هذة الاقنعه هم الاصدقاء الحقيقيين
ده ما اسوش شيزوفرنيا ... ده اسمه مجتمع بيفرض اشياء لازم تتغير

BackBone يقول...

بصي من غير مقرا التعليقات اللي فوق

اذا كان تعريفك للأزدواجيه انك في الكليه مش زي بره

اذن انا ابوا الازدواجيه

انا في البيت بشخصيه و مع اصحابي في العماره بشخصيه و في النادي بشخصيه و عندي 3 شلل من اصحابي من ايام الكليه و مع كل شله بعيش بشخصيه

و في الشغل عايش بشخصيه تانيه خالص و حتي مع اصحابي بتوع الشغل لما بقابلهم و بنخرج سوا ببقي بشخصه تانيه خالص عن كل اللي فاتوا

الموضوع مش اختلاف كامل و لاكنها عامله ذي جهاز الكمبيوتر,,, لما بحب اتعامل مع حد بحب اتعامل معاه بالطريقه اللي بيفهمها و اللي تخليني افهمه


يعني مممكن جدا واحد من اصحابي اللي في الشله المنحرفه بتوع الكليه يشتمني شتيمه خارجه شويه و ابقي فاهم انه كده بيمدحني, و لما بتعامل مع حد من اصحابي في الشغل استحاله اني اسيبه يتكلم معايا كده

فهمتي

;)

نورهان مفيد يقول...

انا شايفة ان ده طبيعي جدااا
كل انسان مننا جواه الازدواجية دي
لانك استحالة هتعاملي كل الناس نفس المعاملة
طريقتك مع اصحابك الانتيم مختلفة عن مجرد زمايل ليكي في الكلية او المدرج
مختلفة عن علاقاتك باخواتك مختلفة عن علاقاتك بقرايبك

كل فئة من الناس ليها شكلها اللي تتعاملي بيها معاهم

والجامعه مرحلة مهمة اوي يمكن تكون اجمل مرحلة انا عن نفسي من اجمل المراحل اللي مريت بيها هي الجامعة حاولي تتبسطي وتعيشي الوقت مش بيرجع تاني
تحياتي

واحد من الناس يقول...

كلنا كذلك
لكل منا قناع يرتديه حسب المكان و الزمان
مع الأهل قناع
مع الأصحاب قناع
مع الحبيب قناع
ومع العدو قناع
ولكن الخطر كل الخطر ان يرتدي الإنسا قناع مع نفسه
فحينما ننظر في المرآه يجب ان نري انفسنا بلا اقنعه

http://1minelnas.blogspot.com

محمود فهمى يقول...

كلنا مرضى نفسسين

غير معرف يقول...
أزال أحد مشرفي المدونة هذا التعليق.