الخميس، أكتوبر 19، 2006

لسه بادري

ياه كده خلص بجد زعلانه جدا كل سنه بيمشي اسرع من السنه اللي قبلها يالاه المهم نستناه السنه اللي جايه في ظروف احسن المهم ان زي امبارح السنه اللي فاتت توفت صديقه امي المقربه جدا اللي كنت بعتبرها خلتي التانيه الشيءالعجيب ان امس اتوفت مامتها السنه دي شيئ غريب البنت ومامتها يموتوا في نفس اليوم علي سنتين بجد غريب قوي والمهم ربنا يرحمهم المهم كلها كام يوم و العيد يجي بس مش فارحانه مش عارفه ليه يمكن عشان ده اول عيد من غير جدي بجد زعلانه قوي وحشني جدا.....المهم ان البلوج وحشني قوي ووحشني ادخل واعلق للناس وكده بس هي الكليه ما فيش غيرها اللي بعداني عن الناس وعن كل حاجه بس ان محتاسه في المشاريع بتعتي آه ودي بعض الصور للحاجات اللي بعملها دراسه المهم كل سنه وانتم طيبين وعييييييييييييد سعييييييييييد
معلش مش هينفع احط الصور لانها ببساطه مسحتها بغبائي معلش خيرها في غيرها

هناك 11 تعليقًا:

فيها حاجة حلوة يقول...

كل سنة وانتي طيبة يا رشا

غير معرف يقول...

كل سنه و أنت طيبه
كل سنه و أنت بلوجيه كبيره كده
كل سنه و أنت طيبه من غير ما يموت حد
بس عالفكره من كلامك هم ماتوا فى العشر الأوخر ( أبواب النار بتغلق )

حدوته مصرية يقول...

كل سنة وانتى طيبة

و ربنا يكون فى عون كل المعماريين

اتمنى انك تدخلى على جروب العمارة بتاعنا على الياهووو اللى هتلاقى اللينك بتاعه فى البلوج بتاعى

FrEe.PhArAoH يقول...

كل سنة وانتى بخير يا رب
على فكره ومش تشاؤم يعنى .. كلنا رايحينلهم
اكيد يعنى .. الموضوع موضوع وقت .. لكن فعلا الفراق هو اللى مؤلم
الحياه تستحق اننا نعيشها .. لازم تفرحى
كل سنة وانتى طيبة .. على فكره نوران قالت ان دا حصل ف العشر الاواخر من رمضان .. المفروض نقلل الزعل يعنى

دمتى بسعادة

admelmasry يقول...

كل سنة وانتى طيبة

غير معرف يقول...

كل سنه وانتى طيبه وانا رحان جدا انك زرتينى انتى معزومهعلى عيد ميلادى النهارده اوعى متجيش

Diyaa' يقول...

تعرفي ...البلوج بتاعك كان عيدية جميلة أوي ليا النهارده رغم كل الظروف اللي أنا فيها
بإذن الله متبطليش كتابة وبإذن الله هفضل أزوره لحد ما ربنا يأذنلي وأنصرف من الدنيا خالص
أحلي حاجة في البلوج بتاعك التلقائية
احتفظي بيها
وعايز أعرف ...اه كان نفسي ...في ايه تحديدا ؟
و عايز أقول حاجة كمان
لسه بدري ليه ؟ هو رمضان شايف مننا الأهتمام اللي يستاهله ؟ متهيألي لأ
يا رب السنة الجاية نعرف قيمته أكتر من كده و أكيد أكيد هيكون أجمل أيام حياتنا و بعدها ربنا هيكافأنا علي كده وسنتنا كلها تبقي عيد
ربنا يرحم جدك و كل المسلمين

Diyaa' يقول...

انا خلاص قريت أول مدونتين عندك و عرفت قصدك ايه بكان نفسي
بجد المدونة هايلة جدا ومتبطليش كتابة عشان خاطر رضوي ونوران
حتي لو الكلية كانت السبب برضه
كل سنة و أنتي طيبة

غير معرف يقول...

و*انت طيب يا بشمهندش محمد

وانت كمان تبقي بلوجيهجميله يا نوران شكرا

اكيد هدخل علي اللينك وهقولك رأي المعماريه ايه كل سنه وانت طيب يا محمد

*FrEe.PhArAoH آه طبعا كلنا رايحين بس معاش اذا كنت نكت عليكم ليله العيد بس انا حطيت الاغنيه علشان اصالحكم ويل رب الكل يكون سعيد وننسي كل حاجه وحشه

و انت طيب يا آدم

واحد من الناس: كل سنه وانت طيب يا تري تميت كام و شكرا علي العزومه
Diyaa': مرسي قوي علي اعجابك بالبلوج بتاعي كده هاخد في نفسي مقلب ويا ريت تكون عرفت اقصد ايه ب آه كان نفسي كل لو قريت اول بوست هتفهم كويس قصدي و كل سنه وانت طيب

رشا

saso يقول...

كل سنة وانتي طيبة يا جميلة
صعبان عليا بجد ان رمضان خلص .. بس يلا العيد حلو برضة
ماتخليش بقي الكلية تاخد كل يومك

انا رايحة اقرا الهيستوري بقي

مـحـمـد مـفـيـد يقول...

ازيك يا رشا معلش جيت متاخر
كل سنه ووانتي طيبه وانا حطيت اللينك بتاعك عندي ابسطي يا ستي